1. წინამდებარე კონფიდენციალურობის და პერსონალურ მონაცემთა დაცვის პოლიტიკა (შემდგომში - „პოლიტიკა“) განმარტავს კონფიდენციალურობის და პერსონალურ მონაცემთა დაცვის პოლიტიკას შპს „ტუტ“-ის (ს/ნ: 405152873) (შემდგომში - „PTI“) საკუთრებაში არსებული ვებ-გვერდისათვის www.pti.ge (შემდეგში - „ვებ-გვერდი“). იგი ვრცელდება მხოლოდ აღნიშნულ ვებ-გვერდზე გენერირებულ ინფორმაციაზე.
2. წინამდებარე კონფიდენციალურობის და პერსონალურ მონაცემთა დაცვის პოლიტიკა განსაზღვრავს: ა) რა სახის პერსონალური ინფორმაცია გროვდება აღნიშნული ვებ-გვერდის მეშვეობით, როგორ გამოიყენება ის და ვის შეიძლება გაუზიარდეს; ბ) რა არჩევანი გაქვთ თქვენი პერსონალური ინფორმაციის გამოყენებასთან დაკავშირებით; გ) რა უსაფრთხოების ზომებია მიღებული თქვენი პერსონალური ინფორმაციის არასწორად / კანონის დარღვევით გამოყენების პრევენციის მიზნით; დ) როგორ შეგიძლიათ გაასწოროთ ნებისმიერი უზუსტობა ინფორმაციაში.
3. წინამდებარე პოლიტიკაში გამოყენებულ ტერმინები „ჩვენ“ ან „ჩვენი“ ნიშნავს შპს „ტუტ“-ს (ს/ნ: 405152873), ხოლო „თქვენ“ ან „თქვენი“ - ნიშნავს შპს „ტუტ“-ის (ს/ნ: 405152873) საკუთრებაში არსებული ვებ-გვერდის - www.pti.ge-ს თითოეულ მომხმარებელს, რომელიც სარგებლობს ამავე ვებ-გვერდით და ვებ-გვერდის სერვისით.

1. პერსონალური მონაცემი (შემდეგში − „მონაცემი“) არის ნებისმიერი სახის ინფორმაცია, რომელიც ვებ-გვერდის მომხმარებელ - იდენტიფიცირებულ ან იდენტიფიცირებად ფიზიკურ პირს (მომხმარებელს) უკავშირდება.
2. ვებ-გვერდზე განთავსებული ნებისმიერი სახის ინფორმაცია განკუთვნილი არის ვებ-გვერდის მომხმარებლებისთვის.
3. წინამდებარე პოლიტიკით განსაზღვრული ინფორმაცია მკაცრად კონფიდენციალურია და მისი მესამე პირებისათვის გადაცემა ნებისმიერი ფორმით დაუშვებელია გარდა კანონმდებლობით დადგენილი გამონაკლისი შემთხვევებისა.
4. თითოეული მომხმარებელი უფლებამოსილია ვებ-გვერდის საშუალებით, პერიოდული ინსპექტირების განსახორციელებლად მოითხოვოს ვიზიტის დაჯავშნა ინსპექტირების ცენტრში. შესაბამისად, აღნიშნული სერვისით სარგებლობისათვის, მომხმარებელი ვალდებულია შეიყვანოს სატრანსპორტო საშუალების სახელმწიფო ნომერი და საკონტაქტო ტელეფონის ნომერი, მიიღოს SMS კოდი, რომლის შეყვანის შემდეგ ვებ-გვერდი ავტომატურად გადაამისამართებს გადახდის ველზე. ვიზიტის დაჯავშნის ღირებულება შეადგენს 1 ლარს. ამასთან, PTI ამუშავებს მხოლოდ ტელეფონის ნომერს და იღებს ავტოსტრანსპორტო საშუალების სახელმწიფო ნომრის შესახებ ინფორმაციას, რომლებსაც მომხმარებელი თავად უთითებს ვებ-გვერდზე ვიზიტის დაჯავშნის მიზნით, ხოლო უშუალოდ გადახდას უზრუნველყოფს შესაბამისი უფლებამოსილების მქონე კომპანია, აქედან გამომდინარე, საბანკო რეკვიზიტების შესახებ ინფორმაციას PTI არ ფლობს, რაც იმას ნიშნავს, რომ PTI არ ამუშავებს მომხმარებლის საბანკო რეკვიზიტებს.

1. PTI აგროვებს მხოლოდ იმ ინფორმაციას, რომელსაც თქვენ ნებაყოფლობით გვაძლევთ ვებ-გვერდით სარგებლობისას. აღნიშნული ინფორმაცია ინახება ჩვენს მიერ და მათი გამოყენება თქვენი წინასწარი თანხმობის გარეშე დაუშვებელია.
2. PTI არ გაუზიარებს თქვენს პერსონალურ მონაცემებს არცერთ მესამე პირს თქვენი წინასწარი თანხმობის გარეშე, გარდა იმ შემთხვევისა, როდესაც აღნიშნული აუცილებელია თქვენივე მოთხოვნის შესასრულებლად / სერვისით სარგებლობის მიზნებისთვის (ასეთის არსებობის შემთხვევაში).
3. მონაცემთა დამუშავება, ყოველგვარი შეზღუდვის გარეშე, მოიცავს ავტომატური, ნახევრად ავტომატური ან არაავტომატური საშუალებების გამოყენებით მონაცემთა მიმართ შესრულებულ ნებისმიერ მოქმედებას, კერძოდ, მათ შეგროვებას, ჩაწერას, ფოტოზე აღბეჭდვას, აუდიოჩაწერას, ვიდეოჩაწერას, ორგანიზებას, შენახვას, შეცვლას, აღდგენას, გამოთხოვას, გამოყენებას ან გამჟღავნებას მონაცემთა გადაცემის, გავრცელების ან სხვაგვარად ხელმისაწვდომად გახდომის გზით, დაჯგუფებას ან კომბინაციას, დაბლოკვას, წაშლას ან განადგურებას.
4. ვებ-გვერდის თითოეული მომხმარებელი ვებ-გვერდით სარგებლობისას აცნობიერებს და თანხმობას აცხადებს, რომ პერსონალური მონაცემების დამუშავება მოხდეს წინამდებარე პოლიტიკით დადგენილი წესის შესაბამისად.
5. ვებ-გვერდის თითოეული მომხმარებელი აცნობიერებს და ეთანხმება, რომ ვებ-გვერდით განსაზღვრული სერვისით სარგებლობისათვის აუცილებელი შეიძლება გახდეს მისი პერსონალური მონაცემების (ან მისი ნაწილის) განდობა PTI-ისთვის.

1. პერსონალურ მონაცემთა და კონფიდენციალური ინფორმაციის შეგროვება აუცილებელია:

მომხმარებლებთან ურთიერთობის მართვისთვის;

ვებ-გვერდზე განთავსებული ინფორმაციის (სერვისის) სრულად მისაღებად;

ახალი სერვისების დასანერგად და შესათავაზებლად;

სერვისით სარგებლობის პროცესის მონიტორინგისთვის;

ჩვენ სერვისებთან დაკავშირებით მომხმარებლების ქცევის მონიტორინგისთვის;

მომხმარებლისაგან უკუკავშირის მიღებისა და პრეტენზიებზე რეაგირებისთვის;

ვებ-გვერდის არასათანადო გამოყენებისა და დანაშაულის პრევენციისთვის;

კანონმდებლობის დარღვევის გამოვლენისა და შესაბამისი ანგარიშების შესადგენად;

რისკების მართვისთვის;

მომხმარებლების კანონიერი ინტერესების დასაცავად.

1. ვებ-გვერდის თითოეული მომხმარებელი აცნობიერებს, რომ პერსონალურ მონაცემთა დამუშავებისას დაცული იქნება შემდეგი პრინციპები:

ონაცემები დამუშავდება კანონიერად, სამართლიანად, მომხმარებლისათვის გამჭვირვალედ და მისი ღირსების შეულახავად, გარდა საქართველოს მოქმედი კანონმდებლობით დადგენილი გამონაკლისებისა;

მონაცემები შეგროვდება და მოპოვებული იქნება მხოლოდ კონკრეტული, მკაფიოდ განსაზღვრული და ლეგიტიმური, აღნიშნული პოლიტიკით გათვალისწინებული მიზნებისთვის. ამასთან, დაუშვებელია მონაცემთა შემდგომი დამუშავება სხვა მიზნით;

მონაცემები დამუშავებული იქნება მხოლოდ იმ მოცულობით, რომელიც აუცილებელია შესაბამისი ლეგიტიმური მიზნის მისაღწევად; ასეთი მონაცემები იმ მიზნის თანაზომიერი იქნება, რომლის მისაღწევადაც ისინი დამუშავდება;

მონაცემები იქნება ნამდვილი, ზუსტი და, საჭიროების შემთხვევაში, განახლებული. მონაცემთა დამუშავების მიზნების გათვალისწინებით, არაზუსტი მონაცემები გასწორდება, წაიშლება ან განადგურდება დაყოვნების გარეშე;

მონაცემები შეიძლება შენახულ იქნება მხოლოდ იმ ვადით, რომელიც აუცილებელია მონაცემთა დამუშავების ამ პოლიტიკით განსაზღვრული მიზნის მისაღწევად, რის შემდეგაც პერსონალური მონაცემები წაიშლება, განადგურდება ან შენახული იქნება დეპერსონალიზებული ფორმით, გარდა იმ შემთხვევისა, თუ მონაცემთა დამუშავება განსაზღვრულია კანონით ან/და კანონის შესაბამისად გამოცემული კანონქვემდებარე ნორმატიული აქტით და მონაცემთა შენახვა აუცილებელი და პროპორციული ზომაა დემოკრატიულ საზოგადოებაში აღმატებული ინტერესების დასაცავად;

პერსონალური მონაცემების უსაფრთხოების დაცვის მიზნით მონაცემთა დამუშავებისას მიღებული იქნება ისეთი ტექნიკური და ორგანიზაციული ზომები, რომლებიც სათანადოდ უზრუნველყოფს მონაცემთა დაცვას, მათ შორის, უნებართვო ან უკანონო დამუშავებისგან, შემთხვევითი დაკარგვისგან, განადგურებისგან ან/და დაზიანებისგან.

1. ვებ-გვერდის თითოეული მომხმარებელი აცნობიერებს, რომ პერსონალურ მონაცემთა დამუშავებისას დაცული იქნება შემდეგი პრინციპები:

მომხმარებელმა განაცხადა თანხმობა მის შესახებ მონაცემთა ერთი ან რამდენიმე კონკრეტული მიზნით დამუშავებაზე;

მონაცემთა დამუშავება აუცილებელია მომხმარებელთან დადებული გარიგებით ნაკისრი ვალდებულების შესასრულებლად ან მომხმარებლის მოთხოვნით გარიგების დასადებად;

მონაცემთა დამუშავება გათვალისწინებულია კანონით;

მონაცემთა დამუშავება საჭიროა PTI-ის მიერ საქართველოს კანონმდებლობით მისთვის დაკისრებული მოვალეობების შესასრულებლად;

კანონის თანახმად, მონაცემი საჯაროდ ხელმისაწვდომია ან მომხმარებელმა იგი საჯაროდ ხელმისაწვდომი გახადა;

მონაცემთა დამუშავება აუცილებელია მომხმარებლის ან სხვა პირის სასიცოცხლო ინტერესების დასაცავად;

მონაცემთა დამუშავება აუცილებელია მნიშვნელოვანი საჯარო ინტერესის დასაცავად;

მონაცემთა დამუშავება აუცილებელია საქართველოს კანონმდებლობით განსაზღვრული საჯარო ინტერესის სფეროსთვის მიკუთვნებული ამოცანების შესასრულებლად, მათ შორის, დანაშაულის თავიდან აცილების, დანაშაულის გამოძიების, სისხლისსამართლებრივი დევნის, მართლმსაჯულების განხორციელების, პატიმრობისა და თავისუფლების აღკვეთის აღსრულების, არასაპატიმრო სასჯელთა აღსრულებისა და პრობაციის, ოპერატიულ-სამძებრო საქმიანობის, საზოგადოებრივი უსაფრთხოების, მართლწესრიგის დაცვის, მათ შორის, ინფორმაციული უსაფრთხოებისა და კიბერუსაფრთხოების უზრუნველყოფის, მიზნებისთვის;

მონაცემთა დამუშავება აუცილებელია ნებისმიერი პირის მნიშვნელოვანი ლეგიტიმური ინტერესების დასაცავად, გარდა იმ შემთხვევისა, თუ არსებობს მომხმარებლის უფლებების დაცვის აღმატებული ინტერესი;

მონაცემთა დამუშავება აუცილებელია მომხმარებლის განცხადების განსახილველად (მისთვის მომსახურების გასაწევად).

2. არასრულწლოვანი მომხმარებლის შესახებ მონაცემთა დამუშავება მისი თანხმობის საფუძველზე დასაშვებია, თუ მან 16 წლის ასაკს მიაღწია, ხოლო 16 წლამდე არასრულწლოვანის შესახებ მონაცემთა დამუშავება − მისი მშობლის ან სხვა კანონიერი წარმომადგენლის თანხმობით, გარდა კანონით პირდაპირ გათვალისწინებული შემთხვევებისა, მათ შორის, როდესაც მონაცემთა დამუშავებისთვის აუცილებელია 16 წლიდან 18 წლამდე არასრულწლოვანისა და მისი მშობლის ან სხვა კანონიერი წარმომადგენლის თანხმობა.

1. მიუხედავად მონაცემთა შეგროვების/მოპოვების საფუძვლისა და მათი ხელმისაწვდომობისა, პირდაპირი მარკეტინგის მიზნით მონაცემთა დამუშავება შეიძლება მხოლოდ მომხმარებლის თანხმობით. მომხმარებელი უფლებამოსილია ნებისმიერ დროს მოითხოვოს პირდაპირი მარკეტინგის მიზნით მონაცემთა დამუშავების შეწყვეტა.
2. PTI ვალდებულებას იღებს შეწყვიტოს პირდაპირი მარკეტინგის მიზნით მონაცემთა დამუშავება მომხმარებლის შესაბამისი მოთხოვნის მიღებიდან გონივრულ ვადაში, მაგრამ არაუგვიანეს 7 სამუშაო დღისა. მომხმარებელს შესაძლებლობა აქვს მოითხოვოს პირდაპირი მარკეტინგის მიზნით მონაცემთა დამუშავების შეწყვეტა იმავე ფორმით, რომლითაც პირდაპირი მარკეტინგი ხორციელდება.

1. ვებ-გვერდის თითოეულ მომხმარებელს უფლება აქვს მიიღოს სერვისის თაობაზე ინფორმაცია ჩვენს მიერ დამუშავებული პირადი მონაცემების საფუძველზე.
2. ვებ-გვერდის თითოეულ მომხმარებელს უფლება აქვს დაჯავშნოს ვიზიტი ინსპექტირების ცენტრში პერიოდული ტექნიკური ინსპექტირების მიზნით.
3. მომხმარებელს უფლება აქვს მოითხოვოს მცდარი, არაზუსტი ან/და არასრული მონაცემების გასწორება, განახლება ან/და შევსება ან დამოუკიდებლად უზრუნველყოს ასეთი მონაცემების გასწორება / განახლება ან/და შევსება ვებ-გვერდის საშუალებით.
4. ვებ-გვერდის თითოეული მომხმარებელი ვალდებულია სერვისის სრულად მიღების მიზნით აუცილებელია მოგვაწოდოთ თქვენს შესახებ სრულყოფილი და სწორი ინფორმაცია, მათ შორის: ვიზიტის დაჯავშნის მიზნით მომხმარებელმა ვებ-გვერდზე სწორად უნდა შეიყვანოს სატრანსპორტო საშუალების სახელმწიფო ნომერი და საკონტაქტო ტელეფონის ნომერი.
5. მომხმარებელი ვალდებულია ვიზიტის დაჯავშნის სერვისის მიღების მიზნით შეყვანილი საკონტაქტო ტელეფონის ნომრის ცვლილების შემთხვევაში, დაუყოვნებლივ შეგვატყობინოს აღნიშნულის შესახებ.
6. მომხმარებელს უფლება აქვს, მოთხოვნის შესაბამისად უსასყიდლოდ მიიღოს ინფორმაცია მის შესახებ იმ მონაცემის თაობაზე, რომელიც მუშავდება, აგრეთვე ამ მონაცემის დამუშავების საფუძვლისა და მიზნის შესახებ; აგრეთვე, მომხმარებელს უფლება აქვს, მოთხოვნის შესაბამისად უსასყიდლოდ მიიღოს ინფორმაცია მონაცემთა შეგროვების/მოპოვების წყაროს შესახებ, მონაცემთა შენახვის ვადის (დროის) შესახებ ან ვადის განსაზღვრის კრიტერიუმების თაობაზე, მისი, როგორც მომხმარებლის უფლებების შესახებ; მონაცემთა გადაცემის სამართლებრივი საფუძვლისა და მიზნების, აგრეთვე მონაცემთა დაცვის სათანადო გარანტიების შესახებ, თუ მონაცემები გადაეცემა სხვა სახელმწიფოს ან საერთაშორისო ორგანიზაციას, მონაცემთა მიმღების ვინაობის ან მონაცემთა მიმღებების კატეგორიების შესახებ, მათ შორის, ინფორმაცია მონაცემთა გადაცემის საფუძვლისა და მიზნის თაობაზე, თუ მონაცემები მესამე პირს გადაეცემა. მომხმარებელს უფლება აქვს, ამ პუნქტით გათვალისწინებული ინფორმაცია მიიღოს მისი მოთხოვნიდან არაუგვიანეს 10 სამუშაო დღისა. ეს ვადა განსაკუთრებულ შემთხვევებში და სათანადო დასაბუთებით შეიძლება გაგრძელდეს არაუმეტეს 10 სამუშაო დღით, რის შესახებაც მომხმარებელს დაუყოვნებლივ ეცნობება.
7. მომხმარებელს უფლება აქვს, გაეცნოს მის შესახებ არსებულ პერსონალურ მონაცემებს და უსასყიდლოდ მიიღოს ამ მონაცემების ასლები, გარდა იმ შემთხვევებისა, როდესაც მონაცემთა გაცნობისთვის ან/და მონაცემთა ასლების გაცემისთვის: ა) საქართველოს კანონმდებლობით გათვალისწინებულია საფასური. მომხმარებელს უფლება აქვს, გაეცნოს ამ პუნქტით გათვალისწინებულ მონაცემებს ან/და მიიღოს მათი ასლები მოთხოვნიდან არაუგვიანეს 10 სამუშაო დღისა, გარდა იმ შემთხვევისა, როდესაც საქართველოს კანონმდებლობით სხვა ვადა არის დადგენილი.
8. მომხმარებელს უფლება აქვს ნებისმიერ დროს კანონმდებლობით დადგენილი წესით მოითხოვოს იმ პერსონალურ მონაცემთა წაშლა, განადგურება, დაბლოკვა ან/და დამუშავების შეზღუდვა, რომელსაც PTI ამუშავებს წინამდებარე დოკუმენტით დადგენილი წესის და კანონმდებლობის მოთხოვნების დაცვით.
9. ვებ-გვერდის თითოეულ მომხმარებელს უფლება აქვს პერსონალური მონაცემების დარღვევის შემთხვევაში მიმართოს შესაბამის ორგანოს ან სასამართლოს.

1. მომხმარებლის უფლებები შეიძლება შეიზღუდოს, თუ ეს პირდაპირ არის გათვალისწინებული საქართველოს კანონმდებლობით, ამით არ ირღვევა ადამიანის ძირითადი უფლებები და თავისუფლებები, ეს არის აუცილებელი და პროპორციული ზომა დემოკრატიულ საზოგადოებაში და ამ უფლებების განხორციელებამ შეიძლება საფრთხე შეუქმნას:

ა) სახელმწიფო უსაფრთხოების, ინფორმაციული უსაფრთხოებისა და კიბერუსაფრთხოების ან/და თავდაცვის ინტერესებს;

ბ) საზოგადოებრივი უსაფრთხოების ინტერესებს;

გ) დანაშაულის თავიდან აცილებას, დანაშაულის გამოძიებას, სისხლისსამართლებრივ დევნას, მართლმსაჯულების განხორციელებას, პატიმრობისა და თავისუფლების აღკვეთის აღსრულებას, არასაპატიმრო სასჯელთა აღსრულებას და პრობაციას, ოპერატიულ-სამძებრო საქმიანობას;

დ) ქვეყნისთვის მნიშვნელოვან ფინანსურ ან ეკონომიკურ (მათ შორის, მონეტარულ, საბიუჯეტო და საგადასახადო), საზოგადოებრივი ჯანმრთელობისა და სოციალური დაცვის საკითხებთან დაკავშირებულ ინტერესებს;

ე) მომხმარებლის მიერ პროფესიული, მათ შორის, რეგულირებადი პროფესიის, ეთიკის ნორმების დარღვევის გამოვლენას და მისთვის პასუხისმგებლობის დაკისრებას;

ვ) ამ პუნქტის „ა“, „ბ“, „გ“, „დ“, „ე“, „ზ“ ან „ი“ ქვეპუნქტით განსაზღვრულ სფეროებში მარეგულირებელი ან/და ზედამხედველობის განმახორციელებელი ორგანოების ფუნქციებისა და უფლებამოსილებების განხორციელებას;

ზ) მომხმარებლის ან/და სხვა პირების უფლებებსა და თავისუფლებებს, მათ შორის, გამოხატვის თავისუფლებას;

თ) სახელმწიფო, კომერციული, პროფესიული და კანონით გათვალისწინებული სხვა სახის საიდუმლოებების დაცვას;

ი) სამართლებრივი მოთხოვნის ან შესაგებლის დასაბუთებას.

2. ამ მუხლის პირველი პუნქტით გათვალისწინებული ზომა შეიძლება გამოყენებულ იქნეს მხოლოდ იმ მოცულობით, რომელიც აუცილებელია შეზღუდვის მიზნის მისაღწევად. ამ მუხლის პირველი პუნქტით გათვალისწინებული საფუძვლების არსებობისას მომხმარებლის უფლების შეზღუდვასა და განხორციელებაზე უარის თქმის შესახებ გადაწყვეტილება ეცნობება მომხმარებელს, გარდა იმ შემთხვევისა, თუ ინფორმაციის მიწოდება საფრთხეს შეუქმნის ამ მუხლის პირველი პუნქტით გათვალისწინებული მიზნის (მიზნების) მიღწევას.
3. მომხმარებლის უფლებები შეიძლება შეიზღუდოს თავად მომხმარებლის ინიციატივით ნებისმიერ დროს, PTI-ისთვის გაგზავნილი მოთხოვნის საფუძველზე.

1. PTI იღებს კანონმდებლობით მინიჭებულ შესაბამის ზომებს მომხმარებლის ინფორმაციის მესამე პირებისაგან დასაცავად - კონფიდენციალურად შენახვისთვის. როდესაც თქვენ განათავსებთ კონფიდენციალურ / პერსონალურ ინფორმაციას ჩვენს საკუთრებაში არსებულ ვებ-გვერდზე, ის დაცულია როგორც ონლაინ, ისე ოფლაინ რეჟიმში. ჩვენს მიერ შეგროვებული პერსონალური ხასიათის ინფორმაცია მოგვეწოდება უსაფრთხო გზით.
2. აღსანიშნავია, რომ თქვენს მიერ ნებაყოფლობით გაცემული ინფორმაცია, არ არის ხელმისაწვდომი PTI-ს ყველა თანამშრომლისათვის, არამედ მხოლოდ იმ თანამშრომელს გადაეცემა, რომელსაც ესაჭიროება აღნიშნული ინფორმაცია კონკრეტული სერვისის უზრუნველსაყოფად. თითოეული ასეთ პირს აქვს ვალდებულება, რომ არ გასცდეს მისთვის მინიჭებული უფლებამოსილების ფარგლებს, დაიცვას მონაცემთა საიდუმლოება და კონფიდენციალურობა, მათ შორის, სამსახურებრივი უფლებამოსილების შეწყვეტის შემდეგ.
3. თითოეული სერვერი თუ ტექნიკური მოწყობილობა, სადაც ინახება პერსონალური ინფორმაცია, განთავსებულია უსაფრთხო და დაცულ გარემოში. PTI კანონმდებლობის სრული სიმკაცრით უზრუნველყოფს თქვენი პერსონალური მონაცემების თანმიმდევრული და მაღალი ხარისხით დაცვასა და უსაფრთხოებას.
4. მიუხედავად იმისა, რომ ინფორმაციული უსაფრთხოების მიზნით ვიღებთ ყველა საჭირო ზომას, სწრაფი ტექნოლოგიური განვითარების პირობებში არ ვიღებთ პასუხისმგებლობას იმ პირთა ქმედებებზე, რომლებიც ახორციელებენ არასანქცირებულ წვდომას კანონმდებლობის დარღვევის საფუძველზე. ჩვენ გაძლევთ გარანტიას, რომ მივიღებთ ყველა საჭირო და შესაძლებელ ზომას მსგავსი არასანქცირებული წვდომის პრევენციისათვის, რათა დაცული იყოს ვებ-გვერდის თითოეული მომხმარებლის ნებისმიერი სახის მონაცემი.
5. PTI მონაცემთა რაოდენობის, მონაცემთა დამუშავების მასშტაბის, შენახვის ვადებისა და მონაცემებზე წვდომის განსაზღვრისას უზრუნველყოფს ისეთი ტექნიკური და ორგანიზაციული ზომების მიღებას, რომ ავტომატურად დამუშავდეს მონაცემების მხოლოდ ის მოცულობა, რომელიც აუცილებელია დამუშავების კონკრეტული მიზნისთვის (სერვისის გაწევისთვის).
6. PTI მონაცემებს ინახავს იმ ვადით, რაც აუცილებელია მონაცემთა დამუშავების მიზნის მისაღწევად
7. PTI მომხმარებლის პერსონალური მონაცემების და კონფიდენციალური ინფორმაციის მესამე პირებზე გაცემის დაუშვებლობას უზრუნველყოფს განუსაზღვრელი ვადის განმავლობაში.
8. კონფიდენციალურობის დაცვის ვალდებულების დარღვევად არ იქნება მიჩნეული კონფიდენციალურად მიჩნეული ინფორმაციის გამჟღავნება ან/და მიწოდება კანონმდებლობით გათვალისწინებულ შემთხვევებში.

1. თქვენ მიერ ვებ-გვერდით შემდგომი სარგებლობა და ვიზიტის დაჯავშნა ნიშნავს, რომ თანახმა ხართ, ჩვენს მიერ გამოყენებული იქნას თქვენი პერსონალური მონაცემები ვებ-გვერდზე განთავსებული სერვისის გაწევის მიზნით.
2. მომხმარებლის თანხმობა მოქმედია კონკრეტული ვიზიტის დაჯავშნის მიზნით პერსონალური მონაცემების ვებ-გვერდზე შეყვანის მომენტიდან.

1. იმ შემთხვევაში, თუ საჭირო გახდა ჩვენი კონფიდენციალურობის და პერსონალურ მონაცემთა დაცვის პოლიტიკის შეცვლა, ცვლილებების შეტანის შემთხვევაში, ჩვენ გამოვაქვეყნებთ ამ ცვლილებებს ჩვენს საკუთრებაში არსებულ ვებ-გვერდზე.
2. მოდიფიცირებული კონფიდენციალურობის და პერსონალურ მონაცემთა დაცვის პოლიტიკა ძალაში შედის ვებ-გვერდზე გამოქვეყნების შემდეგ.
3. თითოეული მომხმარებლის პასუხისმგებლობაა, რომ ვებ-გვერდით სარგებლობის დაწყებამდე, პერიოდულად გაეცნოს ვებ-გვერდზე განთავსებულ დოკუმენტებს მასში შეტანილი ცვლილებების (არსებობის შემთხვევაში) გაცნობის მიზნით. პოლიტიკაში ცვლილებების შეტანის შემდეგ თქვენს მიერ ჩვენი ვებ-გვერდით სარგებლობა ნიშნავს, რომ თქვენ ეთანხმებით აღნიშნულ ცვლილებებს.
4. წინამდებარე პოლიტიკიდან გამომდინარე წარმოშობილი ურთიერთობა არის მკაცრად საქმიანი ურთიერთობა დამოუკიდებელ მხარეებს შორის, რომლებიც თანხმდებიან, რომ დაიცავენ წინამდებარე პოლიტიკით განსაზღვრულ პირობებს, პატივს სცემენ თითოეული პირის უფლებებს, დაიცავენ კონფიდენციალურობას და უზრუნველყოფენ წინამდებარე პოლიტიკიდან გამომდინარე წარმოშობილი ვალდებულებების სრულად და კეთილსინდისიერად შესრულებას.
5. წინამდებარე კონფიდენციალურობის და პერსონალურ მონაცემთა დაცვის პოლიტიკა ძალაში შედის მომხმარებლის მიერ ვებ-გვერდით სარგებლობის დაწყებიდან, რომლითაც მომხმარებელი თანხმობას აცხადებს, რომ გაეცნო აღნიშნულ პირობებს და დაიცავს წინამდებარე პოლიტიკის პირობებს. თუ წინამდებარე პოლიტიკის რომელიმე დებულება აღმოჩნდა ძალადაკარგული ან ბათილი, იგი ჩაითვლება არარსებულ პირობად. ამასთან, წინამდებარე პოლიტიკის ყველა სხვა დებულება რჩება ძალაში.